AİF ekspertləri tərəfindən növbəti dəfə Azərbaycanda və qonşu ölkələrdə müxtəlif bağlantılar vasitəsilə göstərilən İnternet xidmətlərinin qiymətləri araşdırılıb.
Araşdırmalar göstərib ki, ötən illərdə uğurla reallaşan qiymət endirimindən sonra İnternetin inkişafında xeyli irəliləyişlər olub. Genişzolaqlı istifadəçilərin sayı, ölkəyə daxil olan və istifadə edilən İnternet trafikin həcmi xeyli artıb. Cəmiyyətin müxtəlif sahələrində İKT-nin geniş miqyasda tətbiqi, biznesə marağın artması daha keyfiyyətli və sürətli İnternetə tələbatı artırıb.
Amma müşahidələr göstərir ki, hazırda ölkədə İnternetin mövcud keyfiyyəti və qiymətlər bu tələbatın yetərincə ödənilməsinə maneçilik yaradır.
AİF tərəfindən aparılan araşdırmalarda Azərbaycan, Rusiya, Gürcüstan, Ukrayna və digər Avropa ölkələrində müxtəlif bağlantılar üzərindən göstərilən İnternet xidmətlərin qiymətləri öyrənilib. Əsasən ADSL, Fiber optik və Ayrılmış xətlər üzrə İnternet bağlantılar vasitəsilə təqdim edilən xidmətlərin qiymətlərinə diqqət yetirilib.
Araşdırmaların yekunu olaraq İnternet xidmətlərinin qiymətlərinin ölkələr üzrə
Müqayisəli Cədvəli hazırlanıb .
Araşdırmaların nəticəsi göstərir ki, qonşu ölkələrlə müqayisədə Azərbaycanda İnternet xidmətlərinin qiymətləri kifayət qədər yüksəkdir. Araşdırmalar zamanı qonşu ölkələrlə müqayisədə bizdəki qiymətlərin bir neçə dəfə, optik xətlər üzərindən olan İnternet xidmətlərinin isə hədsiz dərəcədə baha olduğu müəyyən olunub.
Diqqətçəkən məqam həm də ondan ibarətdir ki, Azərbaycanda yüksək tariflər daha çox dövlət Provayderləri tərəfindən tətbiq edilir.
Araşdırmaların yekunu göstərir ki, ölkədə keyfiyyətli İnternet problemi qalmaqdadır. İnternetin keyfiyyətinin artırılması və qiymətlərin endirilməsi üçün ciddi əsaslar var və RİTN, Delta Telecom tərəfindən təsirli addımların atılması vacibdir.
AİF ölkənin əsas İnternet təchizatçısı olan Delta Telecom şirkəti tərəfindən Provayderlərə satılan İnternetin qiymətlərinin endirilməsi imkanlarını bir daha nəzərdən keçirilməsini də vacib hesab edir.
Araşdırmaların yekunu ilə bağlı AİF tərəfindən Rabitə və İnformasiya Texnologiyaları naziri Əli Abbasova Müraciət göndərilib.
Müraciətdə ölkədə İnternet xidmətlərinin qiymətinin endirilməsi məsələsinə yenidən baxılması və bununla bağlı ilk növbədə dövlət Provayderlərinə ( Bakinternet, Aztelekom.Net, AzDataCom) təsir edilməsi təklif olunub. Xüsusən də ayrılmış xətlər və optik xətlər vasitəsilə təklif olunan İnternet xidmətlərinin hədsiz baha olması diqqətə çatdırılıb.
Eyni zamanda dövlət Provayderlərin statusunun dəyişdirilməsi, İnternet bazarında sərbəst və azad rəqabətin formalaşdırılması məqsədilə dövlət Provayderlərinin özəlləşdirilməsi məsələsinə baxılması təklif olunub.
AİF bildirir ki, hazırda internet xidmətlərinin qiymətləri və keyfiyyəti ilə bağlı Monitorinqlər davam etdirilir.
Müxtəlif növ bağlantılar vasitəsilə göstərilən İnternet xidmətlərin qiymətlərinin
ölkələr üzrə
MÜQAYİSƏSİ
Yanvar , 2014
| Sürət, Mbit/san (Unlimited) |
Azərbaycan | Rusiya | Ukrayna | Gürcüstan | Türkiyə | Rumıniya | Estoniya | İsveç | |
| 4 – 8 (adsl)
4 – 8 (optik)
4 – 8 |
25 – 75 $ (adsl) 25 – 50 $
200 – 400 $ (Aztelekom) |
7 – 12 $ ( adsl) 8 $ (optik) |
5 – 10 $ | 25 – 40 $ (adsl) 10 -14 $
|
|||||
| 16 (optik)
|
85 $ (optik) 400 $ |
10 $ ( optik) |
8 – 15 $ (optik) |
15 $ (optik) |
20 $ (optik) |
||||
| 30 (optik) | 150 $ (optik) |
12 – 14 $ (optik) |
10 – 20 $ (optik) |
20 $ (optik) |
30 $ (optik) |
||||
| 100 (optik) | 20 – 30 $ (optik) |
20 – 25 $ (optik) |
60 $ (optik) |
100 $ (optik) |
50 $ | 5 – 10 $ | 20 -30 $ | 50 $ (optik) |
Qiymətlər AIF -in mütəxəssisləri tərəfindən qeyd olunan tarixlər və ölkələr üzrə Internet
üzərindən aparılan araşdırmalar nəticəsində əldə olunub
AİF
012 492-44-44
www.aif.az