Müraciətdə son vaxtlar ölkə televiziyalarının ekranlarında Bakcell mobil operatorunun “cin kart” reklamında  körpə uşaqdan istifadə olunmasının geniş ictimaiyyət arasında  ciddi narahatçılıqla qarşılandığı vurğulanıb.
Müraciətdə BMT-nin “Uşaq hüquqları Konvensiyasına”, AR Televiziya və Radio Yayımı haqqında Qanunun 35.14-cü maddəsinə və “Reklam haqqında” Qanunun 21-ci maddəsinə əsaslanaraq  uşaqların mənafeyinin qorunmasına, onların təhlükəsizliyinin təmin edilməsinə diqqət  cəlb edilib. Bakcell mobil operatoru tərəfindən öz məhsulun reklamı  zamanı “cinbala” kimi təqdim olunan körpə uşaqdan istifadə etməsi  qeyd olunan  qanunvericilik aktlarının müddəalarının kobud surətdə  pozulması kimi  dəyərləndirilib.
Müraciətdə Azərbaycanın sivil dünyaya inteqrasiya  etdiyi indiki zamanda uşaqların hüquqlarının qorunması istiqamətində ciddi addımların atılmasının xüsusi əhəmiyyət  kəsb etdiyi bildirilib. Müraciətdə adı çəkilən qurumlardan Bakcell mobil operatorunun xidmətlərinin reklamında körpə uşaqdan istifadə olunmasının qarşısının alınması üçün tədbirlər  görülməsi xahiş olunub.
Müraciətin tam mətni ilə BURADA tanış olmaq olar.

AİF
Tel: 492-44-44
Veb:www.cit.az
Email: info@cit.az